يا أهل الوفا، يا أصل الطيب والنخوة،
أتوجّه إليكم اليوم لا لأعدكم بما لا يُنجز، بل لأجدد عهد ابن بعلبك، اللي كبر بينكم، وعاش همّكم، وعارف وجع الناس قبل ما ينكتب عالورق.
أنا محمد رفيق الأحمر، مرشّح إلى المقعد الاختياري عن مدينتنا بعلبك (النبي إنعام)،
أتقدّم بثقة مبنيّة مش على وعود، بل على تاريخ نظيف، وسمعة طيبة، واسم ما انحنى إلا لله، ولا كان يوم إلا حيث يجب أن يكون.
أنا مش طالب وجاهة، ولا منصب للتصوير،
أنا نازل حتى أكون عند كلمتي، وعند الناس اللي بتحط ثقتها برجال بيحترموا العهد، وبيوقفوا وقت الجد.
المختار مش ورقة… المختار موقف.
والمختارية مش سلطة… المختارية خدمة.
بهالنية، وبهالوضوح، عم بتوجّه لإلكم،
صوتكم هو القوة، وثقتكم هي السند.
معكم، لمدينة بعلبك (النبي إنعام)… بصوت أعلى، وخدمة أصدق، وكرامة ما بتنحني.
أخوكم،
محمد رفيق الأحمر
المرشح عن المقعد الاختياري في حي النبي إنعام بعلبك
